Bara hestafréttir framundan

05.01.2012 08:41

Gleðilegt nýtt ár

Ég óska ykkur lesendum mínum gleðilegs nýs árs og þakka ykkur fyrir að gefa ykkur tíma til að líta hér inn. Langar stundum óskaplega mikið að vita hver "þið" eruð. Langar líka oft að læsa þessu bloggi og eða bara hætta en þar sem ég hef haldið þessu úti síðan 2004 og þetta er ágætis uppflettirit, "fletti" í þessu þegar ég þarf að vita hvenær ég fór þangað eða við gerðum eitt og annað þá held ég þessu eitthvað áfram en gæti samt alveg dottið það í hug að læsa þessu, þá verið þið bara að senda mér póst :)

En jább nýtt ár og fullt af nýjum tækifærum, 2011 var bara skemmtilegt, auðvitað "ups" og "downs" eins og gengur og gerist, 2012 verður örugglega ofboðslega skemmtilegt líka. Allavega fimmtugs afmæli emoticon

Set hérna inn myndir þar sem ég lofaði þeim í síðustu frétt en það eru fleiri í myndaalbúminu.

Sem sagt afskaplega rólegt og gott hér um jól og áramót, lásum bækur, pússluðum, gláptum á sjónvarpskassa og tölvuskjái. Strákarnir spiluðu við ömmu sína sem var hér þar til í gær þá fór hún suður, það er jú víst alltaf best heima. Það var alveg dásamlegt að hafa hana og ómetanlegt að geta átt þessar yndislegu stundir saman, allir í rólegheitum og bara verið að "chilla" eiginlega. Bjartmar lærði nýjan kapal hjá henni og leggur hann nú í gríð og erg. Sigurgeir kunni hann áður :)

Með þessum orðum og myndum óska ég ykkur farsæls nýs árs og vona að alir eigi frábærar stundir á þessu nýja ári.

Skrifað af selma

30.12.2011 22:47

Eitt lítið í lok árs

Það er svo sem alveg búið að brasa eitthvað síðan 5. desember eins og gengur, hef bara hvorki verið í stuði eða haft tíma til að skrifa enda verða engar myndir með þessari frétt, þær eru samt alveg til sko en koma bara á nýju ári.

Mjög hefðbundinn desember þar sem það var bakað, farið á tónleika hjá krökkunum í Tónlistarskólanum, trjáleiðangur upp í Gunnfríðarstaðaskóg, farið á tónleika í kirkjunni og annar hefðbundinn jólaundirbúningur. Mamma kom norður 22. og það er ÆÐISLEGT. Mikið róleg og notalegt og búið að vera skemmtilegir dagar.

Tókum hestana inn 2. í jólum, alla 5 og það er dásamlegt, Hugrún kom svo í dag svo það eru 6 hestar komnir inn, bara eftir að finna járningamann og henda sér á bak því af nógu er að taka i hestastarfinu í vetur :)

Meira á nýju ári.

Skrifað af selma

05.12.2011 08:44

Jóla jóla.....

Svo sem ekkert nýtt hér, bara jóla jóla eitthvað.
Um síðustu helgi var föndurdagur í grunnskólanum og það var mjög gaman eins og alltaf, Sigurgeir er nú reyndar vaxinn uppúr slíku föndri en málaði samt nokkrar piparkökur og borðaði þær jafnóðum, Bjartmar málaði snjókarl.

Þessa helgi fórum við í Miðhús og krakkarnir og kallarnir máluðu á piparkökur á meðan við Begga bökuðum. Það var rosalega gaman og gott að komast í kakó og kökur.
Í gær var yndisleg aðventumessa í Blönduóskirkju og þar spilaði Sigurgeir með lúðrasveitinni. Aldeilis notaleg stund.

Verið að spá í hvenær á að taka hrossin inn................

Skrifað af selma